1. Мебел од дрво по мерка – што се треба да знаете?

Кога ќе во затреба мебел, најчесто се оди само до првиот салон. Случајно или намерно некако се запоставува фактот дека тоа не се работи за еднократна употреба – треба да ви служат со години и децении, а исто толку ви се пред очи секој ден. Затоа мислиме дека мебелот по мерка е многу подобар избор. Не само што се изработува од квалитетни материјали, туку сосема е прилагоден на просторот во кој ќе биде поставен, а секако и на вашите желби. Покуќнина по нарачка е особено добро решение за помали станови или простории со неправилна форма, каде секој сантиметар е важен. Покрај тоа предрасуда е дека таквиот мебел е многу поскап. Со оглед на тоа дека е голем изборот на најразлични видови материјали, а исто толкав број и мајстори на кои можете да им се обратите, секогаш ќе најдете комбинација која ќе можете да си ја дозволите. Покуќнина по мерка е идеално решение за сите соби – кујна, купатило, соби, мансарди – но и за камп приколка. Особено е соодветен за простории кој најмногу ги користиме и во кои најдолго престојуваме, тука се и повеќе функционалните единици како што се остави, гаражи, сауни, кујни, купатила, но на пример и вградени плакари.

1.1. Материјали за мебел

За изработка на покуќнина и мебел о мерка на располагање ви стојат многу различни материјали – различни по квалитет, состав, изглед и цена. Најквалитетен материјал секако е масивно дрво. Разни видови на дрвен граѓа се карактеризираат со инаква цврстина, јачина, отпорност, боја и текстура. Егзотичните видови на дрво може да достигнат многу високи цени. Компромисно решение преставува иверицата која доколку е наместена во сува околина, може да трае исто колку и вистинско дрво, а чини далеку поевтино. За покуќнина може да се комбинираат и други материјали – метална конструкција, алуминиумски куќишта, пластика, стакло, керок и слично. Добро решение може да се покаже и комбинација од медијапан и фурнир.

1.2. Нацрти, скици

Се вели дека првенствено купуваме со очите. Во тој поглед скиците и нацртите се многу важни. Не сите се во состојба да можат да замислат некоја слика, но доколку ја видат нацртана или анимирана, од сите страни и агли, тоа веќе е друга работа. Чекор подалеку е фотомонтажа, односно, визуелизација на целиот простор и сите елементи во него. Во многу салони се нудат 3Д анимации како услуга, а сигурно дека и столарот има таков помошен алат.

2. Како да се најде квалитетен столар за изработка на мебел по мерка?

За убава покуќнина не се важни само квалитетниот материјал и дизајн, туку и начинот на изработка. Кога барате добар мајстор, не им верувајте на евтините понуди. Вистинскиот мајстор лесно се препознава по добрите препораки, коментари од нарачатели како и прецизноста во одговорите на вашето барање. Сето тоа на едно место ќе го најдете на нашиот портал Daibau.mk. Ви препорачуваме пред да го потпишете договорот, секако да се сретнете со столарот, за и лично да се уверите во неговото знаење и во тоа колку го разбира тоа што го барате.

3. Покуќнина по мерка

Кога ќе влезете во нов или реновиран дом, често е потребен нов мебел за сите простории. Скиците за распоредот и нацрти за внатрешното уредување можете да им ги проверите на искусен архитект или експерт за ентериер. Врз основа на тие планови столарот ќе направи уникатна покуќнина која во секој поглед ќе одговара на вашиот дом и вашиот вкус. Опремувањето на просторот не значи само внесување парчиња мебел; тоа опфаќа и уредување со бои, огледала, тапацирање, подни, ѕидни и тавански облоги, како и останато додатоци. Во продолжение на текстот ќе посветиме внимание на одделни простории и за нив соодветен мебел по мерка.

3.1. Кујни

Многу често во кујната се поминува многу време. Во нив има многу опрема – од прибор за јадење, преку намирници до апарати – се мора да биде функционално и така наредено за готвење, а ефикасно, практично и издржливо. Поради сето ова, кујните најчесто се изработуваат по мерка. Најпрво треба да се одлучите за распоредот на елементите. Следуваат одлуки за изгледот и бојата – модерно или класично. На ред доаѓа самата изработка на елементите: шкафови, фронтови, пулт, маски за кујнски апарати како фрижидерот или фурната. Кујнскиот пулт често се прави од мермер, вештачки камен или ламинат. Ма крај се составуваат и монтираат сите елементи. Можете да додадете и бар и барски столчиња. Кујната направена по нарачка просто ве мами во нови кулинарски предизвици.

3.2. Трпезарии

Традицијата за заедничко уживање во храната отсекогаш бил важен дел на секоја култура. Поради тоа, трпезаријата е една од најважните простории во куќата, а во неа треба првенствено вие, а и вашите гости, да се чувствувате што е можно попријатно. Деловите изработени по нарачка додаваат доза на ексклузивност и уникатност на впечатокот за добредојде. Се вели дека трпезариска маса е крал на просторијата, па замислете едена масивна, од полно дрво, можеби оформена по ваша идеа, со комбинација на детали од други материјали, како што е челикот, алуминиум, стакло, епоксидна смола и слично. Со масата обично одат и столови во ист стил, креденци, витрини, полици или нешто слично.

3.3. Канцелариски мебел

Канцеларијата која е опремена со мерка и вкус, има подеднакво влијание на пријатниот амбиент и поголема продуктивност, колку и на впечатокот кој ќе оставите кај деловните партнери. Мебел по мерка во ваков случај значи маси за пишување, конференциски и компјутерски маси, столови, фотелји, фиоки, касети, плакари за регистри, клуб-масички, полици и друго. Доколку се посвети внимание на функционалниот распоред, пријатните бои и целокупниот впечаток, ќе се добие потполн ефект.

3.4. Спални соби

Скоро третина од животот се поминува во спалната соба, поради што не е неважно како го доживувате тој простор и какво влијание има истиот на вас. Тоа опкружување ви е првото нешто пред очи откако ќе се разбудите, а последно пред да заспиете. Покрај тоа што треба да биде по ваш вкус и да ја задоволува вашата интима, изгледа дека креветот е најважниот елемент на секоја спална соба.  Со него одат ормани, плакари или комоди, фиоки и задолжителните ноќни масички. Доколку просторот е тесен, сите елементи може да се направат така да бидат модуларни или мобилни, да се извлекуваат и вовлекуваат, склопуваат или свиткуваат или да бидат повеќенаменски. Гардероберот е исто така одлично решение, бидејќи во нив се може да биде подвижно: прегради, полици, фиоки, корпи, закачалки, држачи и останати елементи за складирање – а уште подобро е што се може да се движи бесшумно, на допир.

3.5. Дневен престој

Дневната соба несомнено е главната просторија на модерниот стил на живот – центар на секој дом. Покуќнината за дневниот престој овозможува неверојатни можности за избор и комбинација во зависност од распоредот, материјалот, големината, бојата и стилот. Столарот може да ви направи единствени парчиња мебел како што се гарнитура за седење, полици, библиотека, регал, но точно по мерка на просторот и согласно вашите желби.

3.6. Детски соби

Се вели дека средината во која растат децата има неверојатно влијание на нивниот ментален развој. Таа средина, покрај семејството и околината, секако ја чини и собата која ја сметаат за своја. Со осмислен избор на интересни форми и бои, па со нивниот распоред, ќе направите детето да сака да престојува во тој простор. Кога покуќнината за децата се прави по мерка, таа може да биде таква да ,,расте‘‘ заедно со децата: кревети на продолжување, прегради, подвижни елементи, кутии или ковчези за играчките, а подоцна за книгите или спортската опрема, масичка за повивање која подоцна ќе стане фиока, орман или комода и така натаму.

3.7. Мебел за бањи

Исто како и спалната соба, така и бањата преставува многу интимен простор во кој треба да се чувствувате пријатно и опуштени. Покрај санитаријата, столарот може да ви направи орман, полици. Прегради, држачи, рамка за огледалото или ЛЕД осветлување. Материјалите за овој мебел мора да бидат водоотпорни, а најчесто се препорачува масивно дрво.

3.8. Претсобја

Доколку не сакате вашето претсобје или ходник да бидат преполни со расфрлани чевли, облека и секакви реквизити, размислете за мебел по мерка. Претсобјето е првото место со кое се среќава некој на вратат од вашиот дом, а важно е какво ги пречекува и домашните и гостите. Вграден плакар по мерка, удобна клупа, закачалка, чевларник, држач за чадори и торби, разни држачи, ќе овозможат било кој да се чувствува добредојден.

3.9. Гардеробер соба

Кога располагате со голем простор, а сте во можност да си дозволите такво нешто – задолжително ви препорачуваме гардеробер соба. Таа е совршено место за складирање на се, а на едно место. Столарот ќе ви направи вграден плакар или неколку, „како кутија кибрит“ со сите детали за пакување и чување се и сешто - од фиоки и прегради за ситници, до корпи за најголемите парчиња како што се јоргани или зимска опрема - и што е најважно од се, се ќе изгледа уредно, средено и прегледно, а се на дофат.

4. Модерен мебел по мерка

Покрај тоа што изработуваат уникатна опрема за цели објекти или простори, столарот се занимаваат и со изработка на специјални делови мебел. Тие може да направат целото место да добие сосема поинаков карактер. Затоа, нарачајте барем по нешто, некој дел, елемент за секоја просторија и веднаш ќе ја воочите разликата.

4.1. Вградени плакари

Столарот најчесто добиваат нарачка за вградени плакари. Нивната најголема предност е максимална искористеност на секој расположив простор. Плакарите се изработуваат така да одат од ѕид до ѕид, од подот до таванот. Постои можност да се направи потесен за ходник, гардеробери за спални и детски соби, поголеми за дневен престој или најголеми за гаражи и остави. Секој вграден плакар е составен од функционални елементи, кои всушност се и најважни  - полици, фиоки, корпи, прегради, носачи, држачи, закачалки и друго. Вратите може да им бидат класични, крилни, но и лизгачка хармоника поради заштеда на простор. Најчесто се од поинакви материјали или комбинации или со огледала.

4.2. Плакари под скалила

Просторот под скалите често пати поради неправилниот изглед, останува неискористен, а може да биде доста голем. Доколку се обратите на столар, ќе добиете потполнка точно по мерка. Однадвор, фронтовите или облогата сосема ќе се претопат со околината, додека во фиоките или преградите можете да држите се - од влечки, чевли, играчки, постелнина, средства за чистење до алат и зимска, летна или опрема за автомобил.

4.3. Собни врати

Влезната врата е како концертна увертира. Доколку не ви се допаѓаат вратите кои се нудат по каталози и салони или имате нешто посебно на ум, ангажирајте столар за да ви го направи тоа. Вратите може да бидат крилни, подвижни, лизгачки, хармоника или сегменти. Може да бидат од масивно дрво или фурнир, со отвори или без, со скриен механизам за отворање или со видливи окови. Комбинациите се бесконечни.

4.4. Уметнички мебел

Понекогаш е потребен само еден предмет кој ќе биде централна точка на просторот. Такви парчиња можете да најдете во дизајнерски уметнички салони. Ако одите чекор понатаму, можете да си нарачате сосема свој, единствено и неповторливо парче, кое за вас покрај материјалната и уметничка вредност ќе има и сосема лична вредност.