1. Зошто да се одлучите за покуќнина по мерка направена од столар?

Кујна по мерка, спална соба по мерка, работна маса по мерка и сиот останат мебел и делови по мерка. Зошто?

Столарот може да го направи секое парче мебел точно по нарачка - така што мерките и материјалите и боите и формите се токму онакви какви што сте ги замислиле.

Покуќнината која ја има во салоните за мебел се прави по стандардни димензии, од стандардни материјали и во стандардна форма – а сето тоа може да биде и несоодветно опремување на некој простор. Од друга страна пак, столарот може да ви го направи било кое парче мебел точно по нарачка – така што мерките, материјалот, бојата и формата да бидат сосема онакви какви што сте ги замислиле. Ваквата покуќнина има и останати предности за кои ќе разговараме во продолжение на текстот.

1.1. Прилагодување на мебелот по нарачка

Кога спомнавме дека мебелот по мерка е сосема прилагоден на вашите желби и потреби, мислевме на тоа дека во денешно време, практично, не постојат никакви препреки сето тоа да се направи. Дури, доколку имате на ум подобри, уникатни решенија за вашиот простор, мебелот по мерка е вистинската работа за вас. Така на пример, мансарди со многу висок стрмен покрив или постари објекти, чиј ѕидови се нерамни и истрошени, невозможно е да се опремат со индустриски мебел; но, столарот може да го прилагоди секое парче мебел според местото каде што ќе стои. На тој начин можете паметно да го искористите просторот на кој инаку не можете ниту да стоите ниту да седите.

1.2. Ускладено опремување на целиот простор

Доколку сакате мебелот во една просторија според материјалот, формата и бојата сосема да се слага со оној од останатиот дел од домот ( особено доколку имате куќа од отворен вид во која, на пример, дневната, трпезаријата и кујната се заедно), тогаш може да ви помогне единствено столар.

1.3. Уникатност

Деловите мебел кој ги изработува столар врз основа на нацрти од архитект, а согласно вашите желби, секогаш се уникатни. Тие се одраз на вашите желби и потреби, но и израз на вашиот стил, а притоа совршено се вклопуваат на секоја просторија. Пред се, никој друг нема да има како вашиот мебел!

1.4. Специјални димензии

Специјалните димензии се исто така една од важните причини поради која клиентите се одлучуваат за мебел по нарачка. Многу високи луѓе, на пример, сакаат кревет подолг од стандардните 200 cm. Кујнската плотна или островот за лица во инвалидна количка мора да биде понизок од стандардните 92 cm. Во продажните салони нема работни плочи со висина од 75 cm, па единствено решение е да ги направи столар. Вакви примери навистина има безброј.

1.5. Квалитетна изработка

Исто така, многу е важно да се одлучите за признат и проверен столар. Столар, кој е посветен на својот занает, секогаш ќе употреби квалитетни материјали и оков, а доколку и дојде до некакво оштетување, сето тоа ќе го поправи брзо и добро, што не би можело да се каже за произведувачи или продавачи на мебел.

2. Како да го изберете вистинскиот столар?

Кога барате добар столар, ви препорачуваме добро да ја обмислите ,,домашната задача“ за него/неа. Колку повеќе понуди, толку подобар избор, но одлуката можете да ја донесете и врз основа не решенијата, односно, понудите кои ќе ги добиете.

2.1. Каде ќе најдете столар?

Ви препорачуваме да се распрашате кај пријатели, соработници и познаници, кај некој што нарачувал нешто да им се изработи. Доколку ангажирате архитект да изработи нацрти за парчињата мебел, тој/таа сигурно може да ви препорача и мајстор со кој ќе соработувате. Трета опција ви е, на нашиот портал Daibau, да најдете и да го разгледате списокот од проверени столари кои ви ги препорачуваме, а кои живеат во ваша близина. Доколку кликнете на линковите ки се поставени таму ќе можете да ги видите нивните профили во кои има оценки и препораки од поранешни клиенти, па можете да се одлучите за некој од нов.

2.2. Што повеќе понуди

Интернет порталот Daibau ви овозможува на едно барање, брзо, да добиете што повеќе понуди, да бидете сигурни дека добиената цена е конкурентна и реална. Важно е и тоа, пред да започнете со работа, да имате пишана понуда со точно наведени рокови на изработка и услови за плаќање. На мајсторот треба да му побарате и референца. Доколку е можно, лично треба да ги видите неговите производи и да се уверите во нивниот квалитет, а можеби и да поразговарате со сопствениците, доколку тоа ќе ви го олесни процесот на одлучување.

2.3. Цена на покуќнина по мерка

Цените, нормално, се многу значаен фактор при купување, особено поради тоа што може да бидат многу различни. Во голем дел цените зависат од тоа за каков материјал ќе се одлучите, какви рачки, држачи, потпирачи, тапацир и така натаму. Кога се прави мебел по нарачка, сите овие детали сами ги бирате, додека таква можност во салон за мебел не постои – можете да го купите само онаа што го нудат, со минимални варијации. Покуќнината изработена по мерка дури може да биде и поевтина варијанта, но, секогаш повредна. Но, ниту тоа не е се – направените парчиња мебел во целост му ги плаќате на столарот, а само дел оди кај добавувачот на материјал, додека при купување во салон најголем дел од цената е трговската маржа, дистрибуцијата, превозот и профитот.

2.4. Колку време се чека за производ

Роковите за испорака се различни кај различни трговци, но вообичаено е сиот процес заедно со доставата и составувањето да трае околу месец-два. Колку долго ќе чекате на испорака од страна на мајстор столар, зависи од тоа колку е зафатен, а и колку е комплицирано тоа што го нарачувате. Доколку од некоја причина ви се брза, тогаш, нарачката по мерка не е решение за вас. Добар столар, како и секој друг добар мајстор, постојано е зафатен, па може да се случи да се чека и по неколку месеци за неговите услуги. Самата изработка на покуќнината (во зависност од количината о сложеноста) за еден стан, може да трае и неколку седмици, а доколку станува збор за специјални, уникатни парчиња кој се занаетчиски тешки, чекањето може да потрае неколку месеци.

3. Што се може да изработи столар?

Опсегот на столарската работа може да биде доста голем. Столарот ги прави деловите мебел првенствено од дрво, иако користат и други материјали. Во нивната работа се вбројуваат кујнски, собен, за бања или градинарски и канцелариски мебел, но и сите други елементи со кои се опремуваат станови, семејни куќи, училишта, хотели, спортски сали, гостилници, ресторани, кина и деловни или јавни објекти. Покрај правење на цели парчиња мебел, столар исто така може да поправаат, составуваат или реставрираат и било каков вид на дрвени делови од покуќнината. Постојат и такви столари кои се специјализирани за одредени видови работа, па така изработуваат столарија, дрвени покриви, разни конструкции, мостови, помали објекти од дрво како што се натстрешници, амбари, викендички и така натаму. Постојат и такви кои изработуваат само бини и сценографии, чамци, спортско оружје и опрема, музички инструменти, паркет или дрвени облоги, плочки, лајсни и така натаму.

4. Постапка

Пред воопшто да побарате столар, ви предлагаме добро да размислите и да донесете одлука точно каков мебел сакате. Нема да биде на одмет да се посоветувате и со архитект или некој друг експерт за внатрешно уредување, кој согласно вашите желби и своето искуство и знаење. Ќе направи скица на мебелот со прецизен опис и мерки. Врз основа на таков цртеж ќе можете д добиете и конкретна понуда. Доколку се шетате од столар до столар без цртеж, понудите кои ќе ги добиете ќе бидат несоодветни, а нема да можете и да ги споредите, бидејќи секој мајстор различно ќе го разбере вашиот опис. Така што, со цртеж, откако ќе изберете столар, тој/таа врз основа на нацртот од архитект или вашите упатства (доколку сепак сами го правите цртежот) ќе изготви налог за работа и цртежи за во работилница. Покрај тоа, доколку архитектот (или вие) доставите и мерки од просторот во кој ќе биде сместен мебелот, столарот мора уште еднаш се да провери пред воопшто да започне со работа. Доколку се потврди и договори, се прави пресметка, се плаќа аванс за мајсторот да може да го нарача материјалот и да започне со работа. Мајсторите во главно работат во свои работилници, а направените делови ги составуваат и монтираат во вашиот дом. Од големо значење е во секоја од фазите на изработка на мебелот, мајсторот постојано да врши проверка на мерките.