Монтажа на врати
.

Собна или внатрешна врати може да монтира секој што го знае редоследот за монтажа, а има и потребен алат. Кога купувате врата, проверете дали има упатства за монтажа. Како да измерите правилно колкави врати ви се потребни? Се прецметува дека отворот во кој треба да влезе вратата мора да биде 3-4 цм поширок и 1-2 цм повисок од надворешните димензии на вратата. Монтажата се врши на следниов начин:
1. Новиот рам на вратата се склопува на подот така што сите спојот се зашрафува или залепува под прав агол.
2. Штокот се поставува во ѕидниот отвор и се фиксира со дрвени клинови (т.н. кајли).
3. На подот, помеѓу рамот и ѕидот се поставуваат потпорни летви.
4. Проверете со либела дали се е во правилна положба и рамно, бидејќи димензиите на долната и горната страна треба да бидат исти.
5. Фиксирајте го рамот со дрвени клинови (кајли).
6. Поставете го крилото од вратата и пред конечното фиксирање, пробајте дали вратата лесно лизга напред-назад.
7. Пополнете го отворот помеѓу ѕидот и штокот со пур-пена.
8. Откако пур-пената добро ќе се стегне, отсечете го вишокот. Отстранете ги и кајлите.
9. Ако вратата има челични штокови, прицврстете ги на ѕидот со анкери.
10. Монтирајте ги первазите (декоративни лајсни).
11. Затегнете го крилото од вратата.
12. Залепете ги рабовите помеѓу штокот и ѕидот со силиконски или пластични ленти.
13. Монтирајте ја соодветната брава.
Доколку вратите се монтираат во новоградба, ви препорачуваме вратите да ги монтирате откако ќе се завршат сите други внатрешни работи. Влезната врата се монтира нешто покомплицирано бидејќи се поставува во надворешниот ѕид. Монтажата на влезните врати според RAL системот (германски стандард за професионално вградување на врати и прозорци) е иста како и монтажата на прозорците, бидејќи тука најважно е тие добро да се вклопат во жлебот и добро да запечатуваат поради греењето и ладење на куќата. Видете повеќе совети кои ви ги подготвивме, а во калкулаторот можете да ги видите цените за врати во секакви форми, големина и бои, како и цените за монтажа. Се разбира, секогаш можете да контактирате со нашите експерти и тие со задоволство ќе ви одговорат.