Длабинско бушење и дупчење за бунар

1. Планирање и дозволи

Пред дупчење потребно е да се добие соодветна дозвола и да се изврши хидролошка и геолошка анализа на просторот на кој ќе се работи. Документацијата и дозволите пред да започнете со работа се разликуваат од проект до проект. Затоа, консултирајте се со експерти за геотермален инженеринг.

2. Изведување на работи

Начинот на изведување на работите зависи од крајната намена, додека начинот на дупчење зависи од локацијата на бушотината. Доколку се врши дупчење во непосредна близина на згради, се користи комбинирана постапка на дупчење со превентер (уред што спречува експлозии), што истовремено овозможува добиениот материјал и калта директно да се однесат до колекторот. Ако бушотината е наменета за геосонда, дупчењето се врши во согласност со ВДИ упатства.

3. Мерење - завршни работи при бушење

Кога ќе заврши дупчењето, се прават мерења на водоносниот слој. Мерењата на водоносниот слој се основа за изработка на документација неопходна за добивање на водна дозвола. Водната дозвола ја издава соодветниот орган при МЗШВ или локалната самоуправа.

4. Цената на дупчењето

Трошоците за дупчење се мерат во метри длабочина. Цената зависи од материјалот преку кој се врши дупчењето. Ако почвата е тврда, камена, потребно е да се вложи повеќе енергија и време отколку кога се буши еден метар во растресита или песочна почва. Ниската водопропустливост е позитивна карактеристика на тврдите, карпести области, но е негативна за мочуриштата. За метар бушотина во просек се плаќа околу 30-60 евра.