Метални или лимени покривни покривки

1. Металните, односно лимените покривни покривки одамна не се новост

До пред само неколку години, металните покривни покривки можеа да се видат само на ексклузивни вили дизајнирани од авангардни архитекти. Сега ситуацијата е поинаква. Денес, металните покриви се наоѓаат и на обични куќи, благодарение на нивната зголемена достапност и подобрените, но и поевтини производствени процеси. Така, металните покриви стануваат се почест и попопуларен избор. Се смета дека нивниот удел на пазарот е значително зголемен во последните години - нема прецизни податоци за Македонија, но, на пример за Словенија има раст од речиси 15% во изминатите 6 години.

2. Видови метал за покривање на покривот

Првиот тип на ваквите покривни покривки се покривните панели кои можат да се направат од различни материјали како алуминиум, цинк или поцинкуван лим. Тие можат да се користат за покриви со различни косини. Во потешки климатски услови може да се постави покрив од поцинкуван челичен лим кој е заштитен со вештачка смола и минерален гранулат. Друга опција е термо изолационите плочи. Овие панели се направени од слој од лим, полиуретански премаз и слој од минерална волна. Конечно, постојат термо изолациони градежни панели. Тие се состојат од два метални слоја, меѓу кои е поставен слој од стаклена или камена волна.

3. Металните покривни покривки ги пригушуваат звуците

Се чини дека е многу распространета заблуда за металните покриви - дека кога врне дожд или град сè внатре во куќата ѕвони како под ѕвоно. Се разбира, тоа не е точно, особено не, ако конструкцијата е направена според стандарди и покривната покривка е правилно поставена - надворешните звуци се слушаат исто колку што би се слушале доколку се работи за друг вид на покрив. Металниот покрив е поставен на цврста основа, а освен тоа свој удел во квалитетот на звучната бариера имаат и поткровјето и изолацијата, поради што нема зголемено ниво на бучава во станбените зони.

4. Металниот покрив не привлекува гром

Можеби сте слушнале и дека металните покриви привлекуваат гром - тоа исто така не е точно - ниту фактите, ниту статистиките не го поддржуваат ова. Доколку во метален покрив удри гром, знајте дека тој е помалку запалив од конвенционалните покривни материјали. Бидејќи металниот покрив е и електричен спроводник и незапалив материјал, ризиците поврзани со неговата употреба и однесување за време на грмотевици го прават приоритетен материјал за покривање, достапен на пазарот. Научното објаснување зошто металниот покрив не привлекува молња е едноставно.

Електричното празнење во атмосферата за време на бури го наоѓа патот до земјата, па така дрвјата, телефонските столбови и други слични предмети имаат тенденција да привлечат молњи. Металниот покрив е изолиран дел од зградата без директна патека до земјата. Затоа, не постои научна причина зошто гром би требало почесто да удира во метален покрив отколку во покрив од бетон, ќерамиди или кој било друг покривен материјал.

5. Металниот покрив е исплатливо решение

Иако повеќето метални покриви имаат гаранција што може да се спореди со најдоброто од бетон или тула (околу 30 години), од практиката е познато дека таквите покривни покривки можат да траат 50 години или повеќе. Сега, веќе од искуство, може да се гарантира дека металниот покрив ќе трае помеѓу 40 и 70 години. Од ова, недвосмислено произлегува дека сопственикот на куќата ќе треба да го обнови покривот во исклучителни ситуации, додека живее во неа.

6. Металните покривни покривки или покривните лимови се отпорни на гниење и инсекти, а исто така се и огноотпорни

Една од главните причини зошто овие типови покриви се толку популарни денес е фактот што тие се многу отпорни на оган. Со зголемување на ризик од шумски пожари стана, металните покриви станаа водечки тип на материјал во многу земји. Згора на тоа, металот по својата природа не е подложен на гниење или мувла или влијание на инсекти и штетници. Кога металните плочки или покривните плочи се обработуваат правилно, тие исто така лесно ја спроведуваат сончевата топлина, а дождовницата побрзо тече.

7. Металните покривни покриви или покривните лимови се енергетски ефикасни

Метални покриви ги рефлектираат сончевите зраци, што може да ги намали трошоците за ладење за 10-25% во текот на летото. Во климатски услови каде што трошоците за ладење се повисоки од трошоците за греење, металните покриви со сјајна или гранулат завршница може да ја зголемат рефлексивноста на површината и на тој начин да ја подобрат заштедата на енергија.

8. Металните покривни покривки или покривните лимови се исто така одлични за помали косини

Често се верува дека металниот покрив е погоден само за покриви со стрмна косина, иако металната покривна покривка направена со стоечки опшивки може да послужи и за оние што се помалку стрмни. Покривната покривка од овој тип се состои од ќерамиди или плочи споени со опшивки, т.е. шевовите што се подигнати во однос на основните линии, се добро споени за да бидат запечатени и непропустливи. Потребна е само минимална косина за да се обезбеди дренажа на вода.

9. Силен град може да ја уништи металната покривка или покривен лим

Иако металните покриви се поиздржливи од повеќето други видови и типови и бараат само минимално одржување, тие не се неуништливи. Врнежи, како на пример град,  може да остават оштетувања на лимени, алуминиумски и бакарни ќерамиди или плочи; најчесто тоа се само вдлабнатини, но може да се појават и оштетувања како што се пукнатини или скршени рабови. Покривот од челични ќерамиди е посилен и подобро се држи при невреме со град, затоа имајте го тоа на ум ако живеете во област каде што таквите бури се почести. Град со големина на грашок или грав ретко е проблем, но мразулци со поголем дијаметар можат да го уништат металниот покрив.

10. За изведба или поправка на метални покриви се потребни професионалци

Техниките за покривање покрив, монтажа и поправка на метални конструкции се специјализирани вештини. Доколку изберете метален покрив, во случај на било какви проблеми, дефинитивно ве советуваме да ангажирате експерт. За среќа, проблемите со металните покриви се навистина ретки.

11. Металните покриви или покривните лимови може да се рециклираат

Иако металните покриви се многу издржливи, кога ќе дојде време за нивна замена, може да ги продадете како отпаден материјал на места за рециклирање метали. Од друга страна, за стар битумен, ќерамиди или бетон, обично нема друго решение освен депонија.