Какви теписи ќе бидат во мода во 2024 година?

Теписите, исто како и другите текстилни подни облоги, нудат бројни придобивки. Благодарение на нивната мека структура и текстура, тие внесуваат чувство на удобност, интимност и мекост во просториите каде што се наоѓаат, нагласувајќи ја домашната атмосфера. Тие можат да се најдат на пазарот во различни бои, форми, дизајни, методи на производство, текстури - затоа сигурно ќе најдете тепих кој одговара на вашите лични преференции. При изборот на оваа текстилна подна покривка, важно е да се водите по изгледот на другите елементи на ентериерот (тепихот може да биде во ист тон и да се интегрира во просторот или да создаде силен контраст - да ја „оживее“ просторијата), како и согласно личниот стил. Сепак, доколку сакате тепихот што ќе го купите да биде во склад со претстојните трендови, во продолжение ви пренесуваме што велат светските дизајнери на ентериер.

Освен што значително придонесуваат за визуелниот впечаток и удобноста на просторот, теписите обезбедуваат добра топлинска и звучна изолација.

Кои теписи се во мода оваа година, 2023 година?

Годината што се ближи кон крајот донесе, во најмала рака, неконвенционални трендови и смели избори во светот на теписите. Иако бежот и другите светли тонови не се „симнати од тронот“, во тренд беа појаки боја. Теписите се елемент на ентериерот на кој е ставен акцентот и доминираат живите нијанси на боите на скапоцените камења.

Во оваа, 2023 година, елегантен и луксузен изглед на собите беше постигнат со црни и црвени теписи.

Доминираат смели нијанси од сончево жолта до светло розова и портокалова. Теписите во овие бои стануваат фокусна точка на секој простор. За разлика од претходната година, во 2022 година, дизајнот се повеќе се оддалечува од остриот, но софистициран монохроматски изглед.

Кога станува збор за пастелните бои, изборот падна на лила нијанси кои дури беа комбинирани со топла зелена или жолта, што создаваше радосен, разигран амбиент.

Меѓутоа, доколку изберете тепих во светла боја, се препорачува мебелот и останатите парчиња од ентериерот да бидат во неутрални тонови и едноставен дизајн, за да се создаде хармоничен изглед.

Кога станува збор за самиот дизајн, оваа година доминираа теписите со стари добри пруги, цик-цак дезени и геометриски форми, кои исто така создаваат жива атмосфера и интересен, еклектичен изглед на просторот.

Со помош на пруги/линии може да се внесат различни нијанси во просторот. При изборот на тепих со пруги, најдобро е мебелот да е монохроматски. За да се постигне по унифициран, хармоничен изглед, боите што се наоѓаат на тепихот со пруги треба да бидат комплементарни со оние на мебелот, ѕидовите или украсните предмети. На овој начин ќе ги поврзете елементите во просторот. Едно е сигурно – без разлика дали се хоризонтални или вертикални, широки или тенки, пругите ќе внесат динамика во секоја просторија.

Теписите со линии се вообичаен избор за оние на кои им досадиле обичните бои. Доколку пругите се во слична нијанса, тепихот ќе има суптилен изглед, но доколку се во контрастни бои, се постигнува драматичен ефект.

Во годината што истекува, дизајнерите на ентериер ги фаворизираа теписите со геометриски форми, па дури, во салоните можеа да се најдат и триаголни теписи. Значи, класичниот, еднобоен правоаголен тепих отиде во заборав во 2023 година.

Исто како и претходните години, кога станува збор за дизајн на ентериерот, стремежот е поврат кон природата и затоа доминираат природните материјали. Покрај стандардните волнени теписи, има и од лен, јута, сисал, бамбус, раш и кокосови влакна.

Се повеќе се тежнее кон одржлив начин на живот, па се застапени и теписите од рециклирани материјали, што е во склад со подигање на еколошката свест.

Какви теписи ќе бидат во тренд во 2024 година?

Теписите од природни материјали, како јута и сисал, ќе останат „на тронот“ и во наредната 2024 година, бидејќи добрите работи не треба да се менуваат. Исто така, теписите следната година ќе бидат со занимливи форми, бидејќи стандардните правоаголници можат да направат просторијата да изгледа затворена.

Благодарение на дизајнерите кои размислуваат надвор од вообичаеното, се разви нов тренд – слоевитост или поставување на слоеви од теписи. Следната година ќе има забележливо редење на теписи со различна текстура.

Ако сакате тепих, но не ја покрива посакуваната површина, едноставно префрлете го врз стариот - или новиот.

Сепак, теписите нема да изгубат една од нивните примарни улоги - разграничување на просторот. Тепихот може да се гледа како декоративна бариера која ги дели дневната соба и трпезаријата, но се користи и во други простори каде што физичките прегради се непрактични и ја прават просторијата мала.

А што е со боите? Друга работа што не излезе од мода - природни нијанси. Во следната 2024 година, ќе доминираат светли природни тонови како беж, слонова коска, сите нијанси на песок, но и се попопуларната нијанса позната на француски како taupe (комбинација на беж, бела и сива боја). Теписите во овие светли, неутрални нијанси се особено погодни за спални соби каде што се посакува смирувачка атмосфера. Теписите во оваа пригушена палета наликуваат на празно платно и се одлични во комбинација со похрабри, подлабоки бои на ѕидовите или темен мебел.

Во 2024 година акцентот ќе биде ставен на боите со кои најчесто се среќаваме во природата, кога станува збор за целокупниот внатрешен дизајн. Теписи во зелена боја - во нијанси на мов и маслинка - ќе добијат популарност. Зелената боја носи мир и спокој, што не е чудно бидејќи е поврзано со природата - шуми, бескрајни ливади и полиња. Симболизира раст, нов почеток, носи позитивна енергија.

Зелената боја лесно се спојува и оди со речиси сè друго. Тепих во маслинеста нијанса или боја на мов одлично ќе се комбинира со мебел од природни материјали, како дрво или јута.

Популарни ќе бидат и потоплите земјени нијанси, како теракота, карамела, килибар, иако е потешко да се интегрираат во внатрешноста отколку светлите како беж. Дизајнерите на ентериер препорачуваат тросед во крем боја на килим во боја на теракота или темно зелена гарнитура на тепих во боја на карамела.

Во наредната година во тренд ќе бидат теписите со текстурана површина. Таквите се направени од природни материјали (сисал, јута, бамбус). Се попопуларни се подлогите од морска трева, која е малку помека под нозете од другите природни материјали. Нејзините силни влакна се речиси непропустливи, што значи дека подлогата од морската трева е отпорна на нечистотија, дамки и промена на бојата. Поради последната карактеристика, подлогите од морска трева не може да се бојадисуваат, па килимите од морска трева се достапни само во нивните природни нијанси. Не се погодни за влажни простории, како бањи и кујни, бидејќи се подложни на оштетување од влага, а со тоа и на развој на мувла и плесна. И покрај ова, килимите од морска трева се исклучително издржливи и лесни за одржување.

Покрај естетиката, тепихот изработен од природни материјали придонесува за одржливост во внатрешноста. Исто така, поради цврстото и густо ткаење, грините и прашина тешко навлегуваат во него, што го олеснува одржувањето за разлика од тепих направен од вештачки материјал, а погоден е за луѓе кои патат од алергии, бронхитис, астма и други респираторни проблеми.

Ако мислите дека неутралните природни килими се премногу монотони, набавете со дезен рибина коска или со пруги - тие се секогаш во тренд.

Уште еден дезен ќе биде во мода кога се во прашање теписите – со точки, односно точкасти теписи. Тие придонесуваат за динамиката и разиграноста на ентериерот.

Сите љубители на силните бои ќе ги воодушеви фактот што во 2024 година ќе бидат актуелни шарени турски теписи. Тие ќе го направат секој простор впечатлив, а бидејќи се направени од 100% волна, тие се издржливи и отпорни на абење.

Со помош на турски килим „брзо“ ќе го освежите просторот и ќе му дадете длабочина, особено ако имате мебел во светла боја.

Теписи - цена

Колку чинат сите овие текстилни подни облоги? Цената на тепихот зависи од квалитетот на материјалот, видот, површината и, на крајот, но не и најмалку важно, од производителот или добавувачот. Волнените теписи, патеки и килими чинат од околу 30 евра/м2 па нагоре.

Доколку барате компанија на која би и довериле изработка или набавка и поставувањето на теписи, можете да побарате помош на нашата платформа. Испратете барање до соодветни и оценети експерти за текстилни подни облоги во вашиот реон - бесплатно и без обврска!