Базени - видови и градба

1. Форма на базенот

Базените можат да бидат со сосема различни форми - од класични правоаголни, преку кружни и овални до сосема необични, закривен или каскаден. Како и да е, точно е дека овие со неправилна форма изгледаат поинтересно, но се и поскапи. Од друга страна, на цената влијаат и димензиите - оние за пливање се претежно долги 7-14 метри и широки 3-5 метри, иако има и навистина големи. Сепак, нивната големина зависи од расположливиот простор и парите што сте подготвени да ги потрошите. Третиот важен фактор е целта: оние за пливање се генерално подолги и потесни, додека оние за рекреација се пошироки и помали. Стандардната длабочина на базенот е околу 1,5 м.

2. Монтажни или пластични базени

Монтажните базени имаат пократок животен век, но најповолни цени, па практично се достапни за секого. Овие пластични базени се многу брзи и релативно лесни за монтирање, повторно во зависност од големината.

3. Полиестерски базени

Полиестерските базени се тип кој порано беше исклучително популарен. Причината за тоа беше нивната релативно лесна монтажа. Имено, полиестерските базени може да се испорачаат во еден дел, во зависност од димензиите на самиот базен или кај поголемите базени, во повеќе делови. Монтажата вклучува копање дупка со соодветни димензии и обезбедување простор за уреди за филтрирање со дополнителна опрема. По оваа постапка, базенот се монтира релативно брзо. Полиестерскиот базен е изработен од вештачки материјали и може да биде со различни форми и бои. Нивните цени се поволни, но она што влијае на помалата популарност на овој тип на базени во последните неколку години е самиот материјал. Се повеќе се зборува за штетните својства на полиестерот, па така различни земји носат свои закони, со што овој тип на базени станува се поредок.

4. Бетонски, односно, ѕидани базени

Бетонскиот базен беше првиот комерцијален тип што се појави на пазарот. Тој е најквалитетен и нај долготраен, а со тоа и најскап. Дополнително, поради самата природа на бетонот како градежен материјал, можно е да се изведе каква било форма, сепак, мора да имате на ум дека овој тип е и најтежок за изведба.

5. Рибник

Ако се одлучите за природен базен, вие всушност избирате рибник во кој ќе можете да пливате. Ако базенот е природен, тогаш и формата треба да му биде органска. Со други зборови, се копа јама и се покрива со ПВЦ фолија за базен. Откако ќе се постави опремата за базен, може да се садат и растенија.