Комплетен водич за правење покрив: видови, материјали и цени

Кога станува збор за покривите, постојат неколку поделби: според бројот на рамнините на покривот, според косината, според покривната покривка.

Но, за почеток, првото нешто што треба да се разбере е:

Од што е направен покривот?

Покривите вклучуваат неколку елементи: покривна конструкција со под конструкција, покривна покривка, изолационен слој и завршни елементи како олуци, громобрани и сл. Горната хоризонтална линија на покривот се нарекува слеме, а долната стреа.

Покривната конструкција е елемент на покривот кој ја носи покривната покривка и ги пренесува товарите на долните делови на куќата (од снег, ветер...). Може да биде направена од челик, армиран бетон, камен и дрво. Според видот на покривната конструкција, покривите ги делиме на масивни и оние направени од линеарни елементи (класични или ламинирани дрвени покривни конструкции, дрвени, метални или бетонски решетки).

Изградбата на покривот се одредува според видот на покривната покривка, релјефот, климатските услови, намената на таванскиот простор и естетските барања. Косината на покривот исто така се одредува од овие фактори.

Покривната под конструкција не мора да биде изработена од ист материјал како и покривната конструкција. Нејзината задача е да ги пренесе товарите на покривната покривка (изолација и заштитен слој) на покривната конструкција. Под градбата на покривната покривка се состои од помошни потпорни елементи. На пример, кога како покривка на покривот се користат ќерамиди или лимени плочи, се користат помошни лајсни за прицврстување на покривката.

За изработка на покривна конструкција задолжен е тесар. Производството на конструкцијата која опфаќа комплетна набавка, изработка, транспорт и монтажа на покривната конструкција изработена од дрва од втора класа заедно со потребните елементи и материјали за поврзување и завртки, изнесува помеѓу 20 и 28 евра/м2.

Барате мајстор на кој ќе му ја доверите тесарската работа? Испратете барање до соодветни и оценети столари во вашата околина - бесплатно и без обврска!

Покривната покривка е елемент кој ја штити вашата куќа и структурата на покривот од надворешни влијанија. За материјалите што се користат за оваа намена ќе се каже повеќе во остатокот од текстот.

Добро познат факт е дека преку покривот се губи огромна количина на топлина. Затоа изолацијата е исклучително важен елемент на покривот. Интересно е да се забележи дека до 30% од топлината од внатрешноста може да се изгуби поради недоволна дебелина на изолацијата или нејзино неправилно поставување. Без разлика дали го користите поткровјето како простор за живеење или таван, неопходно е да се изолира.

За таа цел се користи стиропор или минерална волна. Стиропорот се користи во поголема мера поради неговата полесна инсталација и пониската цена. Сепак, минералната волна има бројни предности - бидејќи добро ја акумулира топлината, спречува прегревање на поткровјето во текот на летниот период, што е еден од најголемите проблеми. Обезбедува и соодветна звучна изолација. Сепак, една од најважните причини зошто камената волна е подобар избор за изолација на поткровје е паропропусливоста. Имено, стиропорот дава и до 40 пати поголема отпорност на пропуштање на водена пареа од камената волна. Затоа, камената волна подобро ја спречува кондензацијата, дозволувајќи и на пареата од внатрешноста да излезе. Во случај на изолација на поткровје, камената волна е полесна за поставување - едноставно ги пополнува шуплините, особено кога се поставува изолација помеѓу роговите.

Изолацијата може да се направи со целулоза и волна. А колку чини изолација на таван? Цената на топлинската изолација од стаклена или камена волна со дебелина од 30 цм заедно со парна бариера и работна рака се движи од помеѓу 7 и 10 евра/м2.

Барате мајстори на кои би им ја довериле изолацијата на таванот или поткровјето? Испратете барање до соодветни и оценети експерти за изолација во вашата околина - бесплатно и без обврска!

Кога станува збор за завршните елементи на покривот, ќе ги споменеме најважните - олуците. Станува збор за системи за собирање и одведување на дождовницата, за да се спречи водата да не тече директно од покривот на земја или на фасадата. Кој тип на олук ќе го изберете зависи пред се од локалните климатски услови (количина на врнежи, снежни наноси), конструкција на покривот, тип на покривка... ПВЦ олуците имаат најдобра  цена. Едноставно се монтираат и лесни се. Сепак, тие имаат пократок животен век од металните олуци (малку повеќе од 20 години), кревки се, затоа мора да се внимава кога нешто се потпира на нив.

Најпопуларниот избор се поцинкувани олуци кои имаат добар сооднос цена-квалитет. Нивниот животен век се проценува на повеќе од 50 години. Отпорни се на корозија, многу толерантни на неповолни временски услови, но се за околу 20% поскапи од оние од ПВЦ.

Доколку имате поголем буџет, можете да се одлучите за алуминиумски олуци кои се со исклучителен квалитет и можат да траат еден век. Ги има во многу бои, што во голема мера придонесува за естетиката на покривот. Сепак, алуминиумските олуци не одат добро со железни или бакарни покриви, бидејќи заедно тие кородираат. Ќе ги споменеме и бакарните олуци кои се исклучително долготрајни, но и поскапи.

Колку ќе ве чинат олуците? Цената на обичен, развиен поцинкуван олук е помеѓу 3 и 5 евра/м.

Дали барате мајстор на кој би му го довериле поставувањето на олуците? Испратете барање до соодветни и оценети лимари во вашата околина - бесплатно и без обврска!

Поделба на покривите според косината и бројот на рамнините на покривот

Основната поделба на покривите е на рамни и коси покриви.

Рамни покриви се оние покриви чиј наклон е помал од 10 степени.

Тие се популарен избор во области каде врнежите и силните ветрови не се чести. И покрај тоа што се нарекуваат рамни покриви, овој тип на покривна конструкција мора да има мал, минимален наклон поради одводот на водата кон сливниците или олуците. Цена за изградба на рамен покрив со хидроизолација, изолација и полнење, без одводи за дожд, чини околу 45 евра/м2.

Значи, станува збор за повеќеслојни конструкции кои, покрај носечката конструкција, вклучуваат и топлинска изолација и хидро изолационен, водоотпорен слој. Најголемо влијание врз издржливоста на рамен покрив има хидро изолациониот материјал. Од материјал често се користи EPDM гумата, која е исклучително отпорна на УВ зраци и температурни флуктуации и трае над 50 години. Има и ПВЦ мембрани како и ТПО. Битуменот е исто така исклучително популарен, особено битуменските ленти. Хидроизолација на рамен покрив се движи околу 16 евра/м2.

Рамните покриви се одличен избор за поставување соларни системи, а можат да послужат и како тераси и зелени површини.

Рамните покриви ги делиме на три основни типа: класичен топол, ладно-превртен, вентилиран и зелен покрив.

Класичен „топол“ рамен покрив е покрив на кој како завршен слој се поставува хидроизолацијата, а под неа се поставува топлинската изолација. Со превртен рамен покрив, пак, топлинската изолација е над хидроизолацијата. Во овој случај, мора да се избере топлинска изолација која има мала способност да апсорбира вода и чии физички карактеристики не се менуваат поради дејството на влагата.

Вентилираниот рамен покрив се карактеризира со постоење на два слоја, меѓу кои има вентилационен слој. Таа, исто како и со вентилирана фасада, служи за отстранување на влагата. Долниот дел на вентилираниот покрив се состои од носечка конструкција и топлинска изолација, а горниот слој е хидроизолација и покривка.

И конечно, се по популарните зелени покриви. Тоа се претежно рамни покриви чија покривна површина е делумно или целосно покриена со одредена вегетација. Тие го трансформираат покривот во жив екосистем. Зелениот покрив има бројни предности: објектот се загрева помалку во текот на летниот период, енергетската ефикасност на зградата се зголемува благодарение на изолационите својства на вегетацијата и почвата, ја зголемува звучната изолација, подобро управува со атмосферските води (спречува ненадејно истекување на водата бидејќи атмосферската вода малку испарува), дополнително го штити покривот од неповолни временски влијанија, ја зголемува естетиката на куќата.

Покрај стандардните елементи, зелениот покрив се состои од слој вегетација, почва, филтер слој (мембрана што го спречува измивањето на почвата), дренажен слој што го исцедува вишокот вода, заштитна или анти-корен мембрана чија задача е за да се спречи корените да ја оштетат структурата на покривот.

Важно е да се спомене дека зелените покриви се поделени на екстензивни (мала дебелина на почвата, отпорна вегетација како мов и ниска вегетација), полуинтензивни (подебел слој почва, вегетација како грмушки и папрат) и интензивни (подлабок слој почва, густа и висока вегетација, бара одржување - редовно наводнување, ѓубрење...).

Иако цените се повисоки, зелен покрив овозможува заштеда на енергија за греење и ладење и обезбедуваат бројни други предности. Цената на зелен покрив (без АБ конструкција и одвод), со заштитен слој и слој од вегетација, хидро и топлинска изолација може да чини помеѓу 55 и 150 евра/м2.

Косите покриви обично имаат косина од 30 до 60 степени. Самиот наклон на кос покрив ќе зависи од климата и релјефот на теренот на кој се наоѓа објектот. Според острината на аголот, косите покриви се делат на оние со стрмен наклон, умерен (среден) и благ наклон. Според бројот на покривни рамнини, тие се поделени на едноводни, на две води, на три води и повеќе водни. Нивната косина овозможува побрз и подобар одлив на атмосферската вода.

За коси покриви со наклон поголем од 20 степени добар избор се глинени ќерамиди, а за оние со поголем наклон од 20 до 45 степени бетонски ќерамиди. За стрмни покриви, дрвените ќерамиди/шиндра се најдобриот избор.

Покривни покривки

А која од наведените покривни покривки е најдобра? Одговорот на ова прашање не е јасен - секој покривен материјал има одредени предности и недостатоци.

Ајде прво да зборуваме за ќерамидите, кои се најчестата покривна покривка кај нас. Ќерамидите може да бидат глинени (традиционални ќерамиди) и бетонски. Глинените покривни ќерамиди се направени од глина и вода, а потоа се печат на високи температури. Нивната густина ќе зависи од должината на времето на печење. Бетонските ќерамиди се направени од мешавина од цемент, песок и вода, а потоа се истураат во калапи. На површината на бетонските ќерамиди се нанесуваат специјални премази, што и дава отпорност на атмосферски влијанија и боја.

Глинените ќерамиди имаат бројни предности во однос на бетонскит. Бидејќи глинените ќерамиди се обложени (заштитен, декоративен слој се додава на горната површина на ќерамидата пред да се пече на високи температури и се интегрира со неа), нејзината боја нема да се промени под влијание на сончева светлина или влага. Во случај на бетонски ќерамиди, пак, горната површина се бојадисува откако ќе се направи самата ќерамида. Постои и стапка на апсорпција на вода - за глинени ќерамиди е 6%, а за бетонски ќерамиди е повеќе од двојно, 13%. Каде што има влага има и мувла, па одржувањето на глинените покриви е поедноставно.

Бетонските ќерамиди имаат уште еден значаен недостаток во споредба со глинените - тие се речиси 40% потешки. Исто така, друга важна предност на глинените ќерамиди е нивниот подолг животен век, кој изнесува речиси еден век, додека бетонските ќерамиди траат до 60 години.

Сепак, бетонските ќерамиди имаат одредени предности во споредба со глинените ќерамиди. Првата е поголема отпорност на пукање и кршење поради ниските температури. Бетонските покривни ќерамиди добро издржуваат различни временски услови. Друга предност на бетонските ќерамиди е тоа што ги има во неколку бои, додека глинените ќерамиди најмногу може да се најдат во природна боја на теракота. И последно, но не и најмалку важно, бетонските ќерамиди се поевтини од глинените за околу 25%.

Друг популарен материјал за покривање на покривот кај нас е тегола или битуменски ќерамиди-шиндра. Тоа е повеќеслоен материјал базиран на битумен. На долната страна на теголата има облога од кварцен песок, а на горната страна керамички гранулат. Токму гранулите на површината го прават овој материјал карактеристичен.

Тегола е материјал кој има бројни предности. Има дури пет пати помала маса на метар квадратен од ќерамидите. Лесно се монтира (има самолепливи заптивки на површината или задната страна на листот) и е исклучително погоден за реконструкција и поправка. Тегола има широк спектар на примени - погодна е за косини на покривот од 5 до 90 степени. Тоа е одлично решение за сложени покриви со повеќе прекршувања и баџи. Се произведува во широк спектар на бои. Тој е исклучително отпорен материјал на неповолни надворешни влијанија, но под услов да има поголема маса. Квалитетот на теголата се зголемува со нејзината тежина. Се разбира, постои уште една важна предност - прифатлива цена.

Сепак, теголата има и одредени недостатоци. Потребна е целосно рамна површина, односно целосна подлога од даски на покривот. Има значително пократок работен век од ќерамидите - до 30 години.

Тука се и метални покривни покривки кои можат да бидат направени од различни материјали како алуминиум, бакар, лим од не‘рѓосувачки челик. Тие имаат значителна предност во однос на класичните глинени ќерамиди. Станува збор за многу помала маса - лимена покривна покривка има маса од 4,5 килограми на метар квадратен, а поставени ќерамиди 40 килограми. Не заостанува зад ќерамидите во однос на животниот век - на пример, бакарните покривни ќерамиди се практично вечни. Иако многумина се на мислење дека металниот покрив произведува повеќе бучава за време на врнежите, тоа не е сосема точно.

Сепак, недостаток на метален покрив е тоа што има помалку мајстори кои се обучени да го постават во споредба со класичните ќерамиди. Исто така, евентуалните поправки на лимениот покрив може да бидат потешки. 

А колку чини покривање покрив со споменатите материјали? Цената за изработка на класичен покрив од ќерамиди, со сите столарски и покривни работи, како и набавка и монтажа на покривната покривка е околу 35 евра/м2. Цената за набавка и монтажа на покривната покривка од тегола заедно со потрошниот материјал ќе ве чини од 8 до 12 евра/м2. Лимен покрив без изолација ќе ве чини околу 28 евра/м2.

Барате мајстори на кои би им го довериле покривањето на покривот? Испратете барање до соодветни и оценети мајстори за покрив во вашата околина - бесплатно и без обврска!