Реновирање стан
.

Зошто да го реновирате станот? Домот кој е уреден со вкус може секојдневно да ве инспирира и да ве исполни со нова животна енергија. Одлуката за видот и степенот на реновирање најмногу зависи од моменталната состојба на станот. Во оваа цмисла се оценуваат прозорци, ѕидови, подови, инсталации, мебел. Дамките од влага, мувлата и нивните причини исто така многу лесно се забележуваат. Врз основа на утврдената состојба, може да се направи список на потребни работи, односно целосен план за реновирање и нацрт. Тоа може да го направите сами или да ангажирате архитект или дизајнер на ентериер. И двајцата можат да ви изработат финалната верзија на планот како 3Д анимација или модел, а и да ве посоветуваат за изборот на мебел. Откако ќе се финализира идејниот план, се преминува на попис на градежни работи и потребни материјали. Добриот попис ќе ви овозможи да одредите кои изведувачи се потребни и да добиете компаративни понуди од нив; во исто време, ќе имате поедноставна и потранспарентна проценка на трошоците и можните заштеди. Доколку имате намера сами да го преземете реновирањето, бидете исклучително внимателни! Имено, според законот, не се дозволени интервенции на носечките делови од станбената конструкција, а преградните ѕидови мора да ги процени стручно лице - градежен инженер по статика - доколку сакате да ги урнете или промените, бидејќи нарушувањето на статиката на објектот може имаат големи последици. Генерално, препорачуваме секогаш да ги проверувате важечките прописи или во вашата општина или во надлежната инспекција за да избегнете непријатности. Погледнете ги другите совети кои ги подготвивме за вас, а цените на овој тип на реновирање можете да ги проверите во нашиот калкулатор. Секако, можете да контактирате и со нашите експерти и тие со задоволство ќе ви одговорат.