1. ПВЦ влезна врата – што се треба да знаете?

1.1. Зошто е важно како изгледа влезната врата

Влезната врата е првиот впечаток за некоја куќа. Исто така влезната врата е многу впечатлив елемент на фасадата, што придонесува за севкупниот впечаток за домот. Освен што треба да одговараат на фасадата со што ќе го заокружат севкупниот изглед на куќата, нејзиниот концепт и стил, вратата треба да има останати карактеристики, неврзани за естетиката, како што се квалитет, јачина и долготрајност што практично преставува заштита од пожар, заштита од кражби, термо и звучна изолација – со еден збор, заштита од надворешни влијанија на кои е изложена.

1.2. Предности на ПВЦ влезна врата

Најголема предност на ПВЦ вратата е дефинитивно нивната цена. Влезна врата од ПВЦ е најевтина на секој пазар. Тоа што се најевтини не значи дека се најлоши, напротив, имаат безброј карактеристики кои им одат во прилог; заштита од кражби, противпожарни, се карактеризираат со одлична отпорност на временски услови, лесно се чистат и одржуваат, а посовремените верзии се отпорни на УВ зраци, па повеќе не пожолтуваат, ниту пак бојата им се менува со години. Покрај тоа, како и секоја друга пластика, така и ПВЦ-то може да се фарба со било која боја од РАЛ палетата со што секогаш може да се вклопат во екстериер каков сте замислиле. Поради сите наведени својства, тие се најчеста алтернатива за алуминиумски и дрвени врати.

1.3. Слаби страни на ПВЦ влезни врати

ПВЦ вратите се направени од пластични профили, нормално, но при самото спомнување на пластика многумина веднаш одмавнуваат со рака. Пластиката не е еколошки материјал кој покрај негативното влијание на животната средина, на прв поглед изгледа многу вештачки. Двата факти се неоспорни, но треба да се има во предвид дека технологијата и техниката на производство се усовршиле, а и понатаму се усовршуваат, што во краен случај значи дека внимателно треба да се размисли за каков вид на објекти се соодветни. На пример, и покрај тоа што ваквите врати ги има и во имитација на дрво, дефинитивно не би требало да се постават на некоја стара зграда која е опкружена со своевидна аура и чиј материјали зрачат со патина.

2. Дизајн на ПВЦ влезни врати

ПВЦ влезните врати се достапни во различни варијанти – од класични, полни до врати со стаклени површини кои пропуштаат светлост. ПВЦ вратите со стаклени површини се сметаат за најпопуларни за семејни куќи, иако често може да се видат и на влезови на станбени згради.

2.1. Полна ПВЦ влезна врата

Ваквата врата важи за класична ПВЦ влезна врата. Се одликува со мазна површина за која можете да изберете различни бои. Можни се сите нијанси на РАЛ картата, а постојат стотина. Класичниот дизајн е добар избор за објекти на кои не им недостасува светлост, а акцентот е на изгледот и естетиката на вратата, бидејќи кај таквите врати лесно се постигнува елегантен и минималистички изглед.

2.2. ПВЦ влезна врата со стакло

Тоа е најчест и најпопуларен вид на ПВЦ влезни врати. Ваквата варијанта го решава проблемот со лошо осветлени приоди, предворје или влезен ходник, кои обично немаат прозорци, а до нив има мал проток на природно светло. Врата со една или повеќе стаклени површини ( како светларник над вратата или странични окна) ќе внесе малку дневна светлина во просторот. Во ПВЦ вратата може да бидат интегрирани разни форми – од класични, правоаголни до полукружни, овални, округли или повеќе аголни. Потоа тука е изборот на многу видови стакла, кои може да бидат сосема проѕирни, млечно, гравирано, пескарено или провидно со наизменични ленти од матирано стакло, па дури и мозаик. Навистина постојат безброј можности, иако во секој случај стаклото мора да биде непробојно, односно, повеќеслојно и калено. Во комбинација со стакло може да се создадат дезени на површината на вратата, дури и многу посебни во естетски или уметнички смисол.

2.3. ПВЦ влезна врата со прозорец

ПВЦ влезна врата која има прозорец е одлично решение за пошироки предворје и влезен ходник. Во таков случај, прозорецот е всушност стакло на едната, другата или на двете страни, со фиксен рам кој не се отвора заедно со вратата, туку неговата примарна функција е осветлување на просторот. Таквиот дизајн овозможува повеќе природно светло отколку кај ПВЦ врата со вграддена стаклена површина, од причина што самата транспарентна површина е поголема. И во овој случај имате безброј комбинации на располагање, од потполно проѕирно до матирано стакло.

2.4. Двокрилна ПВЦ влезна врата

Двокрилна ПВЦ влезна врата е најредок вид од сите. Тоа е така поради нивната голема вкупна ширина, која повеќето предворја и ходници во семејни куќи ја нема, но затоа може да се сретнат на влезови на стамбени згради. Ваквата верзија е комбинација на две крила, кои може да се отвораат поединечно или заедно (како еднокрилна или двокрилна); кога ќе се отворат двете крила се добива широк премин. Најчесто при секојдневна употреба се отвора само едното крило, а за внесување на габаритни работи за кои не е доволна ширина од 90-100 цм, и двете крила. Овој вид на врати се погодни доколку во зградата постои станар во инвалидна количка.

2.5. ПВЦ влезна врата од имитација на материјал

На пазарот може да се најдат и ПВЦ врати кои со својот изглед и текстура имитираат изглед на останати, најчесто природни материјали. Сосема вообичаена е имитација на дрво, но мораме да спомнеме дека било каква имитација секогаш изгледа извештачено – ако ништо друго, тогаш копијата се открива при допир.

3. Компоненти на ПВЦ врати

3.1. Профили и арматура на крилата

При изработка на ПВЦ влезна врата се употребуваат 5 или 6-то коморни профили. Петкоморно крило е со дебелина од 7цм, а шестокоморно 8,5 цм и дополнително исполнето со пена. Покрај пластичните профили, за ПВЦ влезна врата се употребува и дополнителна арматура, која овозможува статичка стабилност на крилата и не дозволува вратата да паѓа.

3.2. Полнења, заптивки, шарки и брави

Рамот на ПВЦ вратата се затвора со полнеж. Полнењето на ПВЦ влезната врата може да биде ПВЦ или ХПЛ или стакло со дебелина од 2-5 цм, додека дебелината на стаклото зависи од моделот на врата. За изолација постојат два вида на трајно еластични заптивки  (EPDM), а за заклучување најчесто се избира брава со три точки, кои по желба може да бидат автоматски или механички. Поради тоа што овие врати се потешки од собните, нивните шарки се метални (прохром или челик), иако може да имаат ПВЦ маска со боја на вратата и воопшто не се гледаат.

3.3. Праг и квака

Во принцип, сите влезни врати имаат барем минимален праг, бидејќи тоа овозможува подобра звучна и топлинска изолација. Прагот на ПВЦ влезната врата го карактеризира ниско профилен алуминиум со висина до 2 цм. Покрај намалување на губењето на топлина, прагот е подеднакво важен за непречена употреба на вратата, а придонесува и против замрзнување. Изборот на квака не е условен со материјалот од кој е направена влезната врата, така да можете да изберете било кој вид или модел – алуминиумска, дрвена или пластична, а важно е нејзиниот механизам да е соодветен на моделот. Стандардна АЛУ квака е достапна во бела, бронзена или металик боја.

3.4. Прибор

Покрај наведените основни елементи на секоја влезна врата, на вратата од ПВЦ може да и се додадат разни функционални или украсни елементи. Тука спаѓаат: шпионка, надворешен држач, ѕвонче, автоматско отворање, осветлување или светларник, аларм, камера и слично.

4. Цена на ПВЦ влезни врати

Цените на ПВЦ влезните врати варираат во зависност од квалитетот и видот на врата. ПВЦ влезна врата со стакларник ќе биде поскапа од класичната. Просечната цена на ПВЦ вратите се движи од 250-750 евра. ПВЦ врата во комбинација со алуминиум и дрво е најскапа.