1. Безбедносни врати – што се треба да знаете?

Сигурносна врата, односно, безбедносна влезна врата е неопходна за секој дом. Кој степен на заштита ќе овозможи зависи од материјалот и начинот на кој е направена. Од друга страна, од голема важност е дали живеете во куќа или во стан, во каква маала, но и тоа колку пари можете да дадете за неа. Најдобра сигурносна врата е онаа која ви одговара на желбите и можностите. При купување на влезна, односно сигурносна врата треба да бидете многу внимателни. На пазарот постојат голем број производи со ниски цени кои се рекламираат како сигурносни, а всушност се обични влезни врати. Само квалитетна сигурносна врата со соодветен сертификат овозможува адекватна заштита на домот.

1.1. Соодветни стандарди

Кога избирате сигурносна врата треба да обрнете посебно внимание на сигурносните стандарди кои се нудат. Сигурносните врати за станбени објекти мора да исполнат барем 3. степен на сигурност.

1.2. Заштитна врата – состав

Сигурносните врати мора да имаат задоволувачки квалитет на челичната конструкција на вратните крила и рамот, отпорен на обид за кршење. Конструкцијата може да биде обложена со панели од дрво или други материјали, со вградена топлотна и/или звучна изолација. Сигурносни врати со највисок квалитет најчесто се прават во погони каде што заварувањето го вршат роботи, а отстапките се мерат ласерски. Секако, од голема важност е да имаат и полна заштитна опрема како што е брава со повеќе точки и сигурносни рамови и шарки. При обид за обивање, таквата брава се блокира, а цилиндерот и е таков што не може да се пробуши или скрши. Важни додатоци на сигурносните врати се широкоаголни шпиунки, граничници за отворање и слично.

1.3. Топлинска и звучна изолација

Имајте на ум дека топлинската и звучната изолација на вратат се задолжителни. Повеќе слоеви на термо и звучна изолација, затворени со квалитетни затворачи овозможуваат задржување на топлината во просторот и помало влијание на надворешните фактори, без разлика дали се работи за продор на ладен воздух или влага.

1.4. Сертификати

Со секоја сигурносна врата одат и одредени сертификати и CE ознака, со кои се гарантира усогласеност со прописите и стандардите. На пример, сигурносна врата на куќа која е изложена на директно влијание на атмосферски прилики и неприлики, мора да биде соодветно заштитена, односно, подобро заштитена од тој аспект отколку влезна врата на стан.

2. Како да ја изберете најдобрата влезна врата?

Секој што има свој дом, сака и да го заштити. Еден од најважните сигурносни фактори секако дека е и сигурносна врата. Покрај тоа што се прва пречка, треба да бидат и најтешката препрека за провалници, но и од сосема други неповолни влијанија, макар само природни, какви што се горештини или мраз. Како да се одлучите за онаа која најдобро ќе ви послужи? Пред да тргнете во шопинг, размислете за следното:

2.1. Анализирајте ги вашите потреби

Прв и најважен чекор е согледување на вашите потреби за заштита, како би можеле да ги одредите останатите. Доколку живеете во сигурно опкружување, тогаш ќе ви биде доволна поевтина врата со основна заштита. Спротивно од тоа, доколку живеете во несигурна населба, размислете да ја купите најдобрата сигурносна врата.

2.2. Квалитетниот понудувач е исто така важен

Изборот на квалитетен и сигурен продавач, е исто така важна ставка. Не би сакале сигурноста и заштитата на својот дом да ја доверите на сосема непризната и непозната компанија на пазарот. Распрашајте се детално за мислење и искуства кај претходни муштерии, како и за препораки. Проверете дали сигурносната врата е правена по соодветни стандарди.

2.3. Алуминиум или челик

Најквалитетни се сигурносните врати изработени од алуминиум и челик. Многубројни експерти се согласни околу тоа дека челичната врата е најсигурен и најдобар избор иако е поскапа од алуминиумската. Доколку високата цена ви е проблем, одлучете се за алуминиумска врата – таа е со поприступачна цена, а исто така има одлични карактеристики.

2.4. Полнење на сигурносните врати

Полнењето на вратата е подеднакво важна мерка за квалитет и ефикасност на вратата, па се препорачува да се провери и тој сегмент пред да купите. Полнењето може да биде структура, односно решетка од алуминиум, челични шипки или мрежа. Најдобри се перфорирани алуминиумски плочи или челична мрежа.

2.5. Сигурносна брава

Изборот на квалитетна брава е подеднакво значаен фактор за заштита на домот. Одлучете се за брава која има најмалку три точки на затворање. Обичната брава се обива многу лесно.

2.6. Шарки

Погрижете се вратата која ќе ја купите да ги има сите три шарки кои не можат лесно ниту брзо да се отстранат. Колку по масивни шарки, толку поголема сигурност за вашиот дом. Најдобар избор е врата со скриени шарки до кои нема лесен пристап.

2.7. Цени на сигурносни врати

Последна, но не и најмалку важна ставка, е цената на вратата која ќе ја купите. Доколку живеете во безбедна населба, можете да изберете влезна врата само со основни заштитни елементи, која воедно е и најевтина, освен ако не одлучите дека нема да штедите, па да ја купите онаа нај безбедната.

2.8. Сигурносна врата по мерка

Побарајте понудувач кој изработува сигурносни врати по нарачка. На тој начин можете да ги изберете материјал за секој елемент на вратат – покрај тоа што ќе ве заштити, истата ќе биде и стилски ускладено со остатокот од домот. Така ќе имате потполна контрола и избор на онаа што ќе го платите.

3. Сигурносна врата од метал или од дрво?

Многу често луѓето се двоумат помеѓу сигурносна врата од масивно дрво или некој вид метал. Секој вид има свои предност и слабости.

3.1. Предности на метални сигурносни врати

Од гледна точка на заштита, металните врати се поробусни и овозможуваат поголема сигурност од дрвените. Поголем број метални врати се заклучуваат во 5 точки. Истражувањата покажуваат дека провалниците најчесто избираат постари типови на влезни врати кои имаат обична брава, односно, се заклучуваат во една точка. Поновите врати со покомплицирани брави или сигурносен систем им преставуваат поголема пречка, па и ризик.

3.2. Предности на дрвена сигурносна врата

Се случува голем степен на заштита на влезната врата да биде и голем проблем. Честопати станарите ги губат клучевите, се расипува механизмот или нешто трето. Единствен начин за сопственикот да влее во својот дом е да повика противпожарна служба која има опрема и знаење за отворање на такви врати, бидејќи ќе треба да се кршат, во зависност од видот на вратата или рамот или околните ѕидови. Од тој аспект, дрвената врата е подобро решение.

4. Постапка за монтажа и одржување на сигурносните врати

Најдобро би било за замена на стара или поставување нова влезна врата, да ангажирате стручен изведувач. Понудувачите и продавачите на квалитетни сигурносни врати нудат бесплатна монтажа.

Мајсторите кои ќе земат мерка на лице место, ќе ве посоветуваат и кој вид на врата би бил соодветен на дадената ситуација, како и која дополнителна опрема ви е потребна. Кога ќе биде готова вратата, ти ќе ви ја достават. Нормално, прво ќе ја извадат старата и ќе го размонтираат рамот, па ќе ја монтираат новата. Откако ќе завршат со работа, нивно е сета амбалажа и старата врата да ја фрлат во депонија. Доколку старата влезна врата била од дрво, ти ќе ги отстранат и первазите. Некои сигурносни врати се направени така што доколку реновирате, варосувате или општо кажано изведувате некој градежни работи, не мора да ги менувате вратните крила (доколку повеќе не ви се допаѓаат или не ви одговараат). Мајсторите може да ги замени само дрвените облоги и вратата ќе изгледа како нова.

Монтажата на сигурносна врата воопшто не е едноставна работа и бара како знаење, така и вештина и искуство. За вратата да ја исполни својата цел и да го заштити домот, мора да биде монтирана на соодветен начин, онака како што пропишал произведувачот. Поради тоа ви препорачуваме да не монтирате сами. Исто така и сервисирањето препуштете им го на понудувачот или продавачот од кој сте ја купиле вратата. Каков вид на постпродажни услуги нуди продавачот, проверете го уште пред да купите. Можеби нудат и услуги за итни интервенции, па во тој случај треба да се на располагање нон-стоп.