1. ИЦ панели – што се треба да знаете?

1.1. Што се инфрацрвени зраци?

Инфрацрвените зраци се оние зраци поради кои чувствуваме топлина, исто како сонцето да сјае во зима. Неточно е мислењето дека ни е ладно затоа што температурата во воздухот e ниска. Вистината е дека инфрацрвените зраци кои доаѓаат од сонцето, патуваат низ вселената и го греат секој предмет до кој ќе допрат, па и нашите тела. Инфрацрвено зрачење е форма на електромагнетно зрачење од црвениот крај на видливиот светлосен спектар. Многу често зборот зрачење се употребува во негативна конотација поврзувајќи го со нешто штетно, како што е радијација, иако тоа означува само процес на емитување на енергија. Како и зрачењето на видливата светлина, така и инфрацрвено зрачење е 100% сигурно, а го емитува и нашето тело.

1.2. Конвенционално загревање на просторот

Обичното греење се врши со загревање на воздухот во просторот. На пример, загревање со помош на радијатори. Радијаторот се загрева и ја пренесува топлината во воздухот во непосредната околина; топлиот воздух е полесен и тој се подига, а ладниот го зазема неговото место околу радијаторот затоа што е потежок и ,,пропаѓа“. Ладниот воздух повторно се загрева и така се воспоставува т.н. кружење. Меѓутоа, повеќето конвенционални грејни тела зрачат и инфрацрвени бранови. На пример, ако некогаш сте седеле покрај отворено огниште, сигурно сте почувствувале топлина на лицето. Доколку ги ставите рацете на лицето, инфрацрвените зраци ќе ги загреат нив, а не лицето, бидејќи со рацете ќе го прекинете протокот на брановите.

1.3. Затоплување со ИЦ панели

Затоплувањето со ИЦ панели е релативно нов начин на греење во домаќинствата. Панелите зрачат ИЦ зраци кои несметано патуваат низ  воздухот и го загреваат секој предмет на кој ќе наидат. Предметите ги впиваат тие зраци бидејќи молекулите во нив вибрираат и создаваат топлина.

Кога зраците ќе дојдат во допир со човечкото тело продираат длабински околу 2,5 цм со што создаваат чувство на загреаност. Доколку вашето тело не е на директен пат на зраците, тогаш тие предмети, делови на покуќнината, ѕидови, подот и слично, ги впиваат и ги зрачат назад кон нас. За електричните ИЦ панели не се потребни дополнителни апарати или одводи, туку само обичен штекер. Панелите може да се постават повисоко на ѕид или на таванот за да бидат подалеку од дофат на децата или домашните миленичиња. Тие може да се загреат до температура околу 70°C исто како и класичните радијатори.

1.4. Заштеда на енергија

Од причина што инфрацрвено загревање дејствува така што ги загрева површините, а не воздухот, како конвенционалните видови, тоа значи дека троши помалку енергија за подеднаква количина на топлина. Покрај тоа, загреаните ѕидови и предмети поради својата маса ја задржуваат топлината, па постепено ја емитуваат во просторот. Спротивно од тоа, воздухот нема маса. Кога просториите се загреваат на класичен начин топлината многу бргу исчезнува, веднаш откако ќе се отвори прозорец или врата и треба постојано да се догреваат за да се чувствувате пријатно. Меѓутоа, на ИЦ панелите им е потребна буквално една минута за да достигнат полна работна температура со што се многу поефикасни од радијатори или подно греење.

1.4.1. ИЦ панели – потрошувачка

Точниот трошок на електрична енергија се пресметува за секој објект поединечно. Трошоците во голема мера зависат од загубата на топлина, животните навики на станарите и слично. Општите пресметки покажуваат дека послабо изолирана куќа од околу 150 м2 во која живее просечно семејство, троши околу 2.300 литри масло за греење. Со греење на ИЦ панели сето ова се преполовува, односно 900 евра/годишно. Доколку греете куќа на гас, ако преминете на ИЦ панели годишно би заштедиле околу 40%. Трошоците за греење со ИЦ панели се случи како за греење на топлинска пумпа.

1.5. Предност и слаби страни на ИЦ панелите

1.5.1. Предности на ИЦ панелите

• Панелите на инфрацрвени зраци имаат подолг век на траење (околу 30 години).
• Трошат малку струја.
• Овозможуваат подеднаква температура во целиот простор.
• Може да се комбинираат со постоечки систем за греење.
• Панелите преставуваат компактно дизајнирани единици, така што може сосема да се вклопат во ентериерот; постојат во форма на огледала и уметнички слики.
• Тие не предизвикуваат циркулација на прашината во просторот, па затоа се одлучен избор за луѓе кои имаат респираторни проблеми.
• Спречуваат застој на влага на површините, а со самото тоа и создавање на мувла.
• Едноставно се поставуваат и одржуваат. Нема потреба од оџак, котларница, радијатори ниту пак сервис на печката или оџакот.
• Не испуштаат штетни гасови. Доколку се приклучени на систем за обновлива енергија (на пр. соларни колектори) овозможуваат 100% чиста и не штетна топлина.
• ИЦ панелите ги загреваат предметите и површините во просторот (ѕидовите, покуќнината, подовите...) кои ја впиваат таа топлина, ја задржуваат и постепено ја ослободуваат.

1.5.2. Слаби страни на ИЦ панелите

• Со ИЦ панели не може да загревате санитарна вода, поради што мора да вградите дополнителен апарат (топлинска пумпа, електричен грејач и слично).
• Од друга страна со ИЦ панелите не можете да го ладите просторот, па и за таа намена мора да се вгради дополнителен уред.
• Панелите се дупло поскапи од радијаторите. Иако трошокот може да се покрие уште првата година, сепак инвестицијата е значајна.
• За да можете да го почувствувате бенефитите од ИЦ греењето, помеѓу вас и панелот не смее да постои препрека, што не е можно секогаш.

2. Избор на понудувач

На пазарот постојат навистина голем број на понудувачи на ИЦ панели. Наш совет е внимателно да ја проверите секоја информација и препорака, а особено понудите. Изберете го оној што има долгогодишно искуство и реални видливи резултати. Би требало да обрнете внимание и на тоа дека се рекламираат производи кои всушност и не се ИЦ панели, исто како што некои производи имаат ЕУ ознака, а всушност се произведуваат во Кина а само се склопуваат во Европа. Таквите понудувачи продаваат ИЦ панели една две години, нудат повеќегодишна гаранција и потоа ги затвараат компаниите, со што гаранцијата станува неважечка. Ваквите производи се со краток век на траење, трошат многу повеќе електрична енергија отколку што е наведено во спецификацијата и така натаму.

3. Видови на ИЦ грејачи

3.1. Спектар на кратки и долги бранови

Спектарот на инфрацрвените бранови е широк. Постојат инфрацрвено зраци со разни бранови должини – куси А, средни Б и долги Ц. Во инфрацрвена сауна се вградуваат грејачи кои емитуваат кратки бранови (ИРЦ), а предизвикуваат потење. За загревање на станбен простор, канцеларија и останати објекти се користат долги бранови 5-15 ųm (ИРЦ). Тие долготрајно ги загреваат предметите во просторот одвнатре и ова преставува дефинитивно најефикасниот вид на загревање. За различни видови на грејачи, како што се оние со кои се загрева башта од угостителски објекти, работилници и слични поголеми простори, подобри се кратко бранови светлечки цевки.

3.2. Видови на грејачи според намената

3.2.1. ИЦ панели

Со ИЦ панели обично се загреваат или догреваат станбен или канцелариски простор. Панелите се монтираат на ѕид или на таванот.

3.2.2. ИЦ камини или печки

Ваквите апарати првенствено се наменети за добро изолирани ентериери. Најбарани се тие во форма на камин.

3.2.3. Гаражни и индустриски ИЦ грејачи

Инфрацрвените грејачи може да се употребуваат во производни погони како што се работилници или гаражи. Поради огромната моќ на греење и големината на самиот грејач, првенствено се наменети за големи простори. Најголема корист од ваквите грејачи имаат места како што се стоваришта, хангари, товарни рампи на докови и слично.

3.2.4. Надворешни ИЦ грејачи

Надворешните инфрацрвени грејачи се најпрактично и безбедно решение за загревање на отворено. Наменети се за тераси и балкони, како и башта на угостителски објекти во зимскиот период. Од друга страна, со нов може да се загреваат и влезови, атриуми, предворје и слично. Може да изберете грејачи на пропан, гас или струја.

3.2.5. ИЦ греалки и панели за бањи

Во денешно време за загревање или догреј на бањите најчесто се користат баш инфрацрвени панели кои се замена за старите ИЦ греалки кои беа многу распространети.

3.3. Видови на грејачи според типот на гориво

Инфрацрвените грејачи се многу ефикасни со тип на енергија, односно со било кој тип на гориво.

3.3.1. Електрична енергија

ИЦ панелите исто како и гаражни и индустриските грејачи, во главно се напојуваат со струја. За таа цел, електричните апарати мора да бидат разместени во просторијата на соодветен начин. Притоа, за нивен правилен распоред, потребно е да се земе во предвид да бидат разместени во сите простории за да може да загреваат подеднакво и рамномерно согласно својата големина и моќ, сразмерно со големината, изолацијата, географската положба и слични фактори кои влијаат на просторот.

3.3.2. Пропан

Предност на инфрацрвените греалки на пропан е нивната мобилност. Тие може да се преместуваат од место на место, согласно потребите, внатре или надвор, со еден збор, греат било каде. Греалките на пропан се многу издржливи, направени баш за отежнати услови за работа во секој амбиент. Може да имаат дополнителен термостат и заштита од прегревање. Се поставуваат и вклучуваат многу лесно и брзо, а подеднакво брзо и лесно греат.

3.3.3. Природен гас

Постојат и инфрацрвени грејачи, иако кај нас не се употребуваат. Првенствено се употребуваат за греење на отворено од причина што емитуваат топлина таму каде што треба. Дури, може да се поврзат во систем кој е монтиран на ѕидовите или таванот или како самостојни единици кој се многу практични за тераси, градини, башта и слично, особено за угостителски објекти во зимскиот период. Задолжително за ваквите грејачи е тоа дека мора да ги монтира професионален монтер.

4. Монтажа и одржување на панели со инфрацрвени зраци

Една од многубројните предности на ИЦ панелите е што се монтираат многу брзо и едноставно, без поголеми градежни зафати. Најоптимална монтажа на ИЦ панелите е на таванот затоа што топлината се шири рамномерно, можеби во комбинација со традиционално греење со што енергетската употребливост ќе биде максимална. Доколку ИЦ панелот е поставен на таванот, стапалата никако нема да ви мрзнат, бидејќи панелот го загрева подот. Чувството на топлина и пријатност е слично на онаа како да постои подно греење. Нормално, панелите мора да бидат со соодветна моќност. ИЦ панелите се многу долготрајни, а одржување и сервис не се потребни.