1. ПВЦ прозорци – што се треба да знаете?

1.1. Предности на ПВЦ прозорците

Едноставна изработка по поволна цена

Во последно време ПВЦ прозорците се најчест избор на повеќето купувачи. Несомнено, тоа е така затоа што имаат поволна цена, бидејќи се значително поевтини од алуминиумските и дрвените прозорци.

Пластичните прозорци се одличен изолатор

Прозорците, како и останатите делови столарија имаат значително влијание на губењето на топлината во стамен или деловен простор, што може да биде дури и 30%. На термоизолативност на ПВЦ прозорците влијае дебелината и термоспроводливоста на рамот на прозорецот (означено со Uf), термо спроводливост на стаклата (означено со Ug) и вкупната термо спроводливост на целиот прозорец (означена Uw). За енергетската ефикасност најважно е прозорците да бидат што непропустливи, односно да имаат трослојна изолација. Колку помал количник на премин на топлина (Uw) толку подобри прозорци. Од таа причина вградувањето на квалитетни прозорци може да овозможи значителна заштеда за трошоци за греење – понекогаш дури и за една третина! Термоизолацтивноста на ПВЦ прозорците може да се спореди со онаа која ја имаат алуминиумските и дрвените прозорци.

Пластичните прозорци се одлични звучни изолатори

Кога бирате прозорци за својот дом имајте го на ум влијанието на средината во која живеете (прометна улица или природа), па согласно тоа сметајте и на звучната изолација. Вредноста на звучната изолација се обележува со ознаката Rw – што поголем број, толку подобро. Звучната изолација на ПВЦ прозорците може да се спореди со онаа која ја имаат алуминиумските и дрвените прозорци.

Пластични прозорци и лесно одржување

ПВЦ прозорците се одржуваат многу лесно. Потребно е повремено да се бришат со мокра крпа, за разлика од дрвените прозорци кои треба редовно да се фарбаат. Отпорни се на киселина, UV зрачење, корозија и екстремни временски промени. Единствено за што треба да се погрижите е редовно подмачкување на металните делови со висококвалитетно машинско масло.

Пластичните прозорци се убави на изглед

Прозорците треба да бидат дополнување на естетиката на просторот и севкупниот изглед на куќата. На пазарот постојат бројни решенија, во секаква форма и боја, така што секако ќе најдете модел согласно вашата желба и можност.

Долготрајност

Очекуваниот век на траење на ПВЦ прозорците е 40 години. Понудувачите на квалитетни ПВЦ прозорци дават гаранција за најмалку 10 години.

Безбедност и заштита од кражби

За да бидат безбедни и да овозможат заштита од кражби кај ПВЦ прозорците се овозможува со квалитетна фитингарија која не дозволува насилно отворање ниту пак поместување на прозорските крила.

1.2. Слаби страни на ПВЦ прозорците

Деформирање при горештини

ПВЦ-то може да се деформира при големи горештини. Ако прозорецот е со послаб квалитет, а подолго изложен на сончево влијание, може да се случи да се искриви и потешко да се отвора и затвора; меѓутоа, кога ќе се излади ќе функционира како и порано. Тоа се случува многу ретко и најчесто кај прозорци со големи димензии, а кај висококвалитетните прозорци, овој проблем не постои.

Бојата може со време да се промени

Пластичните прозорци не може да се фарбаат како што е случај со алуминиумските или дрвените.

Неразградлив материјал

Пластиката не се разградува во природата, односно се разградува после стотина години, ако не и повеќе. Меѓутоа, во последно време постојат повеќе произведувачи кои употребуваат рециклирана пластика, со што ја намалуваат отпадната количина. Од друга страна, ПВЦ-то е долготрајно, со што се компензира неговата неразградливост. Во секој случај, пластичните прозорци не се најдобар избор за животната околина.

2. Избор на понудувач

На пазарот постојат безброј произведувачи и продавачи на ПВЦ столарија. Купувањето на прозорци е долгорочна инвестиција, поради што многу е важно внимателно да бирате и да соберете што е можно повеќе понуди, пред да донесете одлука.

2.1. Гаранција

Гарантниот рок е одличен показател за квалитетот. Оние произведувачи и продавачи кои се сигурни во својот производ даваат гаранција за десет години, а некогаш и повеќе. Во гарантниот рок не смее да се појават никакви недостатоци, ниту естетски, ниту функционални, а доколку се појават, не смее да бидат поради квалитетот; може да бидат само како последица на несоодветна употреба.

2.2. Сопствени мајстори за монтажа и одржување

Самото тоа што прозорецот е квалитетен, не значи многу – само ако е правилно поставен, ќе ви служи долго и добро. Нестручна монтажа, поради која ќе се појават т.н. топлински мостови, може да ги поништи сите предности на квалитетен прозорец. Од таа причина, од голема важност е, кој и да го изберете, да има свој квалифициран мајстор, кој употребува висококвалитетни материјали за соодветниот вид на монтажа. Доколку продавачот може да ви обезбеди и сервис за своите производи, да гарантира набавка и замена на резервни делови, тогаш бидете сигурни дека сте го нашле вистинскиот.

2.3. Потврда за квалитет

Произведувачите и продавачите го докажуваат квалитетот на своите производи со разни сертификати и потврди, кои треба да ви ги достават по завршената монтажа. Во таа документација спаѓаат технички податоци, спецификации, еколошка потврда, енергетска потврда и слично.

3. Монтажа на прозорците

3.1. Што всушност преставува квалитетна монтажа?

За квалитетна монтажа на ПВЦ прозорци се смета онаа монтажа која се одвива согласно одредени процедури и технички постапки кои обезбедуваат енергетска ефикасност и заштита, како и долготрајност и едноставна употреба. За да може ПВЦ прозорците да овозможат и одреден степен на термо и звучна изолација, од големо значење е да бидат монтирани непропустливо, односно на спојките на рамот на прозорецот и ѕидот да нема луфта, пукнатини ниту останати недостатоци низ кои може да се губи топлина. Тоа значи дека ниту на рамот, ниту на отворот, а и околу него, не треба да постојат оштетувања. Прозорското крило мора да биде монтирано така што ќе се отвора и затвора лесно, да нема оптоварување на фитингаријата и механизмите за отворање, да не запнува некаде и да не паѓа. Прозорецот треба сосема лесно да се отвора и затвора. Кваките на прозорците, исто така мора да бидат добро наместени и фиксирани.

3.2. Постапка за монтажа

1)    Прозорците се доставуваат во одреден ден.

2)    Мајсторите треба да ви објаснат како ќе се одвива работата.

3)    Се поставува заштита за ѕидовите, подот и останатите изложени површини.

4)    Се вадат постојните прозорци.

5)    Се поставуваат рамките и се нивелираат во ѕидниот отвор. Со помош на ласерско метро се одредува аголот, висината и длабочината за монтирање на прозорецот. 

6)    Прозорците се поставуваат во отворот кој се пополнува со одредени средства во зависност од избраниот вид на монтажа (класична, еколошка или РАЛ).

Класична монтажа

Класичната монтажа е најчест начин на монтажа на прозорци. Рамот на прозорецот се шрафи во ѕидот, а спојката помеѓу ѕидот и прозорецот се полни со пур-пена.

Еко-монтажа

Спојот помеѓу ѕидот и прозорецот се полни со еколошка, еластична пена на водена база која постојано ,,работи“ – се растегнува и се собира, согласно атмосферските услови, со што овозможува одлична енергетска ефикасност. Ваквиот вид на монтажа се препорачува при адаптација на стари објекти.

РАЛ монтажа

При монтажа на прозорци на ниско енергетски и пасивни куќи, РАЛ монтажата е задолжителна, но се препорачува и за секоја новоградба бидејќи овозможува најдобра термоизолација, практично без можност за губење на топлина. Од внатрешната страна прозорците се затнуваат со паропропустлива маса, а од надворешната страна со еластичен полиуретанска (нискоекспандирачка) пена, со што се овозможува водената пареа да излегува од просторијата, но не може да влегува. РАЛ монтажата спречува и продирање на вода во ѕидовите, а со самото тоа спречува и кондензација.

7)     Последен чекор се преглед и проверка на завршената работа

8)    Мајсторите ќе ви остават упатство за правилна употреба и одржување, како и соодветни сертификати и гаранција.